Улогата на религијата, поточно христијанската Црква во Османлиската Империја и историјата на 20. век, а особено во историјата на развојот на националните идеи и создавањето на нациите е прашање кое историчарите на Балканот го имаат опсервирано. Притоа, проучувањата за улогата на Црквата се разликуваат во зависност од пристапот на историчарот или историчарката применет во своите истражувања. И покрај разликите во пристапите, историчарите ја истакнуваат улогата на Црквата во создавањето и развојот на современите држави на Балканот. Во овие истражувања, во контекст на националните идеи и отпорот против Османлиската Империја, место наоѓа и улогата на Католичката црква и разните католички и протестантски мисии на територијата на Османлиската Империја, особено во текот на 19. век.