Четвртото издание на Osmanlı Belgelerinin Dili (DİPLOMATİK) само по себе е доказ за значењето на ова дело. Кутукоглу на 616 страници го воведува читателот во османлиската дипломатика, и пред сѐ прави обид да им ги доближи на истражувачите, коишто директно или индиректно се занимаваат со историјата на оваа империја, разните документи и материјали од турските и светските архиви, кои се производ на Османлиската Империја и нејзината администрација.